Cun deliberazion n. 30 dai 04 di Jugn dal 2001, il Consei Comunâl al à istituît il Sportel Unic pes Ativitâts Produtivis (SUAP).
Chest sportel al à come finalitât principâl la semplificazion dal rapuart tra la publiche aministrazion e chei che a integnin inviâ une gnove ativitât produtive, limitant al minim i interlocutôrs che a varan di relazionâsi cui imprenditôrs par vê ducj i sclariments che a coventin e perfezionâ i adempiments previodûts de normative di riferiment.
Cu la istituzion dal SUAP lis funzions aministrativis dadis al Comun, su la realizazion, l’ampliament, la cessazion e il trasferiment di implants produtîfs di ogni fate di ben o servizi, comprindudis lis ativitâts comerciâls, ricetivis, agricolis, artesanis, i servizis di telecomunicazion, comprindude la emission dai permès di fâ sù, a son esercitadis tal sportel unic pes ativitâts produtivis, che al risulte in cheste maniere la uniche struture responsabile di dut il procedimento. La istituzion dal SUAP e previôt, duncje, che il procediment, par dutis lis autorizazions in materie di implants produtîfs, al sedi unic e che uniche e sedi la istance che la imprese e à di presentâ e ancje, tai câs dulà che al è previodût, il provediment finâl.
Il procediment al è ordenari (art. 7 D.P.R. 160/2010) cuant che la norme e previôt che la ativitât e sedi subordinade ae acuisizion preventive di autorizazions, nulla osta e parê tecnic, ancje di diviersis Aministrazions (par esempli la Aziende Sanitarie, la ARPA, i Vigjii dal Fûc). In chest contest, lis ativitâts di chês altris Aministrazions a confluissin, su richieste dal Sportel Unic pes Ativitâts Produtivis, tal procediment che il SUAP al è responsabil.
Il procediment al è automatizât (art. 5 D.P.R. 160/2010) cuant che il davuelziment de ativitât produtive o di servizis e je sogjete a Segnalazion Certificade di inizi Ativitât (S.C.I.A.); il Sportel Unic al varà la segnalazion, cun dutis lis declarazions, lis atestazions, lis asseverazions e i elaborâts tecnics.
Il SUAP al è competent pal riceviment des pratichis relativis aes diviersis ativitâts produtivis e di servizis, sedi par chel che al inten il davuelziment des ativitâts che si à dit, ma ancje par chel che al inten lis pratichis in materie di edilizie relativementri aes stessis ativitâts, duncje, al rapresente pal imprenditôr pal sigûr il vantaç di podê rivolzisi a un unic ufici, ma inmò di plui al permet la evasion des pratichis in timps svelts e sigûrs, a vantaç dal utent.
GNOVE MODULISTICHE UNIFICADE IN VIGÔR DAL 01 DI LUI DAL 2017
Referent:
Responsabil de Aree tecniche fax 0432 761700
Responsabii de Istrutorie:
Ufici Cumierç
Telefon 0432 761936
Fax 0432 762763
Ufici Edilizie Privade-Urbanistiche
dot. Antonello Bassi
Telefon 0432 761935 int.2
Fax 0432 762763
Orari pal Public: che si viodedin i oraris di ogni ufici.
La pratiche, firmade in forme digjitâl, e à di jessi mandade al SUAP, doprant cheste casele di pueste eletroniche certificade dal Comun: comune.lestizza@certgov.fvg.it
La pratiche e podarà ancje jessi trasmetude midiant pueste, ae direzion dal Comun, in Vie Roma n. 36 – 33050 LISTIZE (UD), o consegnade al ufici protocol.
Si pues cognossi il stât di avanzament de pratiche mandade al SUAP, inviant une richieste a cheste direzion di pueste eletroniche: urbanistica@comune.lestizza.ud.it.