te sede de S. Filologjiche Furlane di Udin,promovût ancje dal Dipartiment di Lenghis e Leteradure Foreste de Universitât di Udin. La cunvigne e jere une ocasion di incuintri tra lis Scuelis di Dotorât e Ricercje in Siencis linguistichis e leteraris des Universitâts di Udin e di Turin. Il prof. Federico Vicario al à presentât “La Società Filologica nella vita culturale del Friuli”. La socie e je di fat l'unic istitût culturâl dal FVG che al aderìs ae "Associazione degli Istituti Culturali Italiani", ricognossût dal Ministeri de Universitât e Ricercje tant che Istitût di Sperimentazion Didatiche. E à burît fûr plui di 18.000 titui, tra monografiis, saçs, articui, contribûts, recensions e segnalazions. Dal 1997 al 2011 e à vût 850 colaboradôrs, tra professôrs, studiôs e sempliçs passionâts de materie. I socis a son plui di 4000, sedi singui che associazions, ents o istituzions, no dome di culì ma ancje ator pal mont. Po si è dit dal progjet di ricercje “Il friulano e le sue varietà. Tra diacronia e sincronia, fonti documentarie e ricerca sul campo” curât dal CIRF (Centri Interdpartimentâl pe ricercje su la culture e la lenghe dal Friûl).
Notizia
Incuintri "Lingua e cultura in Friuli"
